Probas de acceso de serigrafía para alumnado preinscrito no curso 2018-19 na EMAO

¡IMPORTANTE!

Todas as persoas pre-inscritas no curso 2018-19 na Escola municipal de Artes e Oficios de Vigo, para seren definitivamente admitidas e poderen formalizar a matrícula deben necesariamente presentarse e superar as probas de acceso correspondentes a cada especialidade. No caso de Serigrafía a proba será o día 18 ás 16:00 horas.

 SERIGRAFÍA ARTÍSTICA
18 de setembro ás 16:00 horas

 ¿En que consisten as probas de acceso?

As probas de acceso constan de dúas partes:

• Un cuestionario no que o aspirante deberá cumprimentar preguntas xenéricas. Estas preguntas nunca serán referidas a cuestións técnicas sobre a especialidade. A valoración do cuestionario será global de 0 a 10.
• Un exercicio práctico co material específico de cada especialidade,
  no que non se valorarán coñecementos específicos previos relativos á especialidade, senón conceptos, como habilidade, actitude, recursos e creatividade.

A nota final sairá da valoración conxunta do cuestionario e mais a proba práctica, e ponderarase do 0 ao 10.
O tempo para realizar a proba de acceso a estas especialidades será aproximadamente de 30 minutos en total.

O/a aspirante presentarase no horario indicado co DNI e un bolígrafo.

Para consultar a convocatoria completa das probas de acceso e sorteo, pincha aquí.

Convocatoria xeral do curso 2018-19, pincha aquí.

Probas de acceso e sorteo para alumnado preinscrito no curso 2018-19 na EMAO

Todas as persoas pre-inscritas no curso 2018-19 na Escola municipal de Artes e Oficios de Vigo, para seren definitivamente admitidas e poderen formalizar, se é o caso, a matrícula, deben necesariamente presentarse e superar as probas de acceso correspondentes a cada especialidade, conforme ao seguinte

CALENDARIO DE PROBAS

CAIM GAITA E ZANFONA (Construcción Artesanal de Instrumentos Musicais)
17 de setembro ás 16:00 horas
OURIVARÍA
- Persoas preinscritas no Curso Básico: 17 de setembro ás 16:00 horas
- Persoas preinscritas en Curso Extraordinario: 19 de setembro ás 16:00 horas
ARTESANÍA EN COIRO
- Persoas preinscritas no Curso Básico: 18 de setembro ás 16:00 horas
- Persoas preinscritas en Curso Extraordinario: 19 de setembro ás 16:00 horas
SERIGRAFÍA ARTÍSTICA
18 de setembro ás 16:00 horas
CERÁMICA ARTÍSTICA
Día 19 de setembro ás 16:00 horas
DESEÑO E ENCAIXE DE PALILLOS
20 de setembro ás 16:00 horas
TALLA E ESCULTURA EN MADEIRA
20 de setembro ás 16:0 horas

SORTEO

Nas especialidades de PINTURA E DEBUXO ARTÍSTICO, para a selección do alumnado realizarase un SORTEO entre todas as persoas pre-inscritas, o
18 de setembro ás 12:00 horas na Biblioteca da EMAO. Este sorteo é público.

¿En que consisten as probas de acceso?

As probas de acceso constan de dúas partes:

• Un cuestionario no que o aspirante deberá cumprimentar preguntasxenéricas. Estas preguntas nunca serán referidas a cuestións técnicas sobre a especialidade. A valoración do cuestionario será global de 0 a 10.
• Un exercicio práctico co material específico de cada especialidade,
  no que non se valorarán coñecementos específicos previos relativos á especialidade, senón conceptos, como habilidade, actitude, recursos e creatividade.

A nota final sairá da valoración conxunta do cuestionario e mais a proba práctica, e ponderarase do 0 ao 10.
O tempo para realizar a proba de acceso a estas especialidades será aproximadamente de 30 minutos en total.
O/a aspirante presentarase no horario indicado co DNI e un bolígrafo.


Para consultar a convocatoria completa das probas de acceso e sorteo, pincha aquí.

Convocatoria xeral do curso 2018-19, pincha aquí.

Escola de Verán EMAO Vigo 2018

CURSOS CONVOCADOS 9 ao 20 de xullo Escola Municipal de Artes e Oficios de Vigo [preinscrición ata o 3 de xullo]
 Información :  https://bibliotecadaemao.blogspot.com/2018/06/escola-de-veran-emao-vigo-2018.html

 
Aula de Serigrafía artística : “INSOLADO E ESTAMPACIÓN CON LUZ E TINTES NATURAIS”

 
Impartido por Alba Pardo, mestra da EMAO da especialidade de Serigrafía artística
Destinatarios: Alumnado que cursara na EMAO a especialidade de Serigrafía artística e que non estean matriculadas na EMAO no curso 2017-18
Datas: do 9 ao 20 de xullo, de 10 a 13 horas
Duración: 30 horas
Programa:
Obxectivo: Xogaremos coa luz natural para facer o proceso serigráfico do insolado de pantallas así como para facer a antiga técnica fotográfica da cianotipia, tamén aprenderemos a obter tintes naturais para aplicalos á estampación serigráfica.   
Contido
Presentación histórica da cianotipia
Técnica da cianotipia
O proceso serigráfico
Insolado serigráfico con luz natural
Plantas tintóreas e elaboración de tintes naturais
Impresión serigráfica con tintes naturais
Material a aportar polo alumnado:
Acetatos, materiais opacadores, papeis, cinta adhesiva, pinceis

CURSOS DE VERÁN NA EMAO. ESTAMPACIÓN E CONFECCIÓN TÉXTIL

*Aulas de Moda e Confección e de Serigrafía artística: “ESTAMPACIÓN E CONFECCIÓN TÉXTIL”
Impartido por Emma Pintos e Alba Pardo, mestras das especialidades na EMAO
Destinatarios: Persoas con coñecementos demostrables das especialidades. Terán prioridade os/as ex-alumnos/as de Moda e Confección ou de Serigrafía Artística da EMAO.
Datas: do 12 ao 21 de xullo, de 10:00 a 14:00 horas
Inscrición: ata o 30 de xuño
Duración: 30 horas
Número de prazas: 15
Programa:
Presentación:
Curso de interdisciplinaridade entre os obradoiros de Serigrafía Artística e Moda e Confección, no que se explora a posibilidade de confeccionar prendas con tecidos estampados artesanalmente. Na primeira sesión farase unha presentación do curso por parte das mestras dos obradoiros e haberá unha charla introductoria de Natalia Moreno, deseñadora de estampados textís.

Contido:
Serigrafia (14 horas no obradoiro)
Preparación da pantalla serifráfica.
Emulsionado, insolado, revelado e secado.
Estampación sobre tecido.
Moda (16 horas no obradoiro)
Adaptación de padróns base.
Corte de tecidos.
Montaxe de prendas básicas.
Remate e acabados das prendas.

Material a aportar polo alumnado:
1 libreta cuadriculada A4
1 Lapiz 2B
Rotulador negro de punta fina
Cuter
Cinta de embalaxe
Cinta de carrocero
Regla de 50cm
Cinta métrica
Agullas e alfinetes
Dedal
Tesoira para tea
Xiz para tea (non branco)
O resto do material, ferramenta e maquinaria que se é o caso fose necesaria, será aportado pola EMAO.

Podedes atopar máis información dos monográficos doutras especialidades no blog da biblioteca .

Convocatoria do Nivel Avanzado para o curso 2016-2017

Convocatoria do Nivel Avanzado para o curso 2016-2017.
O alumno/a que remate o nivel superior da especialidade na que estea matriculado/a, coa cualificación de apto/a, poderá acceder ao nivel Avanzado, que consiste no desenvolvemento dun proxecto persoal de fin de estudos directamente relacionado coa especialidade cursada, previamente presentado e seleccionado ao remate do curso académico, unha vez avaliado e calificado como Apto/non apto o proxecto desenvolvido, conforme ao Plan de Estudos da EMAO 2015 (PEMAO2015). 

Este nivel ten carácter presencial, en sesións semanais de dúas horas de duración durante a totalidade do curso académico. A asistencia será obrigatoria para os /as seleccionados/as, cun máximo de faltas de asistencia xustificadas do 25% do total do crédito horario.

Á finalización do proxecto, que deberá ser rematado antes do fin do curso académico 2016-2017, o/a docente-titor/a emitirá un informe de valoración no que conste motivadamente se o alumno/a acadou ou non os obxectivos expresos indicados na súa memoria inicial de proxecto.

Prazos 

• Do 23 de maio ao 13 de xuño de 2016, presentación de proxectos por parte do alumnado.
• Do 14 ao 17 de xuño de 2016, informe dos proxectos por parte do profesorado e presentación da ficha docente normalizada de cada proxecto seleccionado á Comisión citada en 5.2.
• Do 20 ao 29 de xuño de 2016: estudo e selección de proxectos pola Comisión de valoración
• Dia 30 de xuño de 2016: exposición pública (taboleiro e internet) do listado de alumnado e proxectos seleccionados. 

Proxecto "Tecnoloxía Interestelar" 2014 de Isabel Prieto Varela

Son ilustrador ¿e agora qué? e o Ilustranoite

Sergio Covelo, alumno de Proxectos, recórdanos que mañá na escola é o curso " Soy ilustrador ¿ y ahora qué ?" e despois será o Ilustranoite, entrada libre Detrás do Marco e a semana que ven a 3ª edición do Drink and Draw.

Ilustrando dudas

Son ilustrador ¿ e agora qué?. Un percorrido paso a paso cara á ilustración profesional. Neste curso se repasan as partes do traballo diario de ilustrador e se dan ferramentas e consellos para dar resposta ás preguntas máis frecuentes.

DATA E LUGAR :
Venres 30 de maio de 16 a 20 horas.
Na EMAO. Prazas limitadas.


PRECIO: Precio publico 20 euros. Alumnos EMAO : 16 euros ( enviando escaneado o carnet da escola). Socios AGPI: 16 euros.

INSCRIPCIÓNS: ilustrandodudas@gmail.com
http://www.ilustrandodudas.com/

O Mercado da Arte

O mercado de O Calvario cambiará o 17 de maio o pescado e as verduras por fotografías, pintura, cerámica e esculturas. O mercado da arte convertirá os bancais das peixeiras en expositores para que os artistas locais amosen e vendan as súas obras. 
Para reservar espacio o solicitar máis información podedes escribir a notodeelpescadoestavendido@gmail.com.

A pedaliña. Vive Vigo en bici

foto : Faro de Vigo

 Este é o sétimo ano que a asociación A golpe de pedal organiza este evento con motivo do Día Mundial da Bicicleta, un encontro que estrea novo nome, tras denominarse "Coñece Vigo a golpe de pedal", "Con bici sen CO2" e "Vive Vigo en bici a golpe de pedal". Para dalo a coñecer, convocaron un concurso de carteis ao que se presentaron máis de 150 obras e que finalmente gañou o Grupo de Iniciación B de Debuxo da nosa escola, institución que tamén colaborou na organización do certame. O obradoiro de serigrafía foi o encargado de facer a edición serigráfica dos carteis. Aquí amosamos algunh foto da entrega dos premios:
.http://www.farodevigo.es/gran-vigo/2014/04/25/pedalina-fiesta-viguesa-bicicleta/1011611.html
Fotos do blog de debuxo:  http://debuxodaemao.blogspot.com.es/2014/04/pedal-debuxo-e-premio.html
 

Apertura da IV Convocatoria do Proxecto "O Escaparate"

O Museo Liste e o C.A.T (Centro de Artesanía Tradicional) comunica: 

A apertura da IV Convocatoria do proxecto “O escaparate” para traballos artesáns susceptíbeis de ser expostos no C.A.T. Esta proposta que se inicia no 2013, intimamente ligada á nova andaina do CAT, ten por obxecto brindar un espazo de exposición á produción artesán lonxe das canles habituais como poidan ser feiras e comercio especializado. O proceso de selección dos traballos a exhibir neste primeiro trimestre do ano, arranca con esta convocatoria que, de xeito trimestral, convida á presentación do artesán e da súa produción. Para participar será presentación ou envío dun dossier no que se recolla a traxectoria e unha mostra da obra. 

Dirixido a: artesáns que queiran dar a coñecer a súa produción 

Prazo e lugar de presentación de dossieres ata o 26 de xaneiro, a través do seguinte correo electrónico: recepcion@museoliste.org ou na sede do Museo Liste de Vigo.

Proba de acceso serigrafía día 10

Está exposto no taboleiro de anuncios da EMAO, e na páxina web da mesma, a listaxe provisional de preinscrición, para o alumnado de novo ingreso, curso 2013-2014 e o listado de alumnado procedente de cursos anteriores.

PROBAS DE ACCESO (CAIM, Cerámica, Encadernación e Serigrafía):
  . Día 10, Serigrafía, ás 16,30 h., en quendas de 45 minutos.
  . Día 11, Cerámica, ás 16,30h., en quendas de 45 minutos.
  . Día 12, CAIM (Luthería Galita e Zanfona) e Encadernación, ás 16,30h, en quendas de 45 minutos.

A asistencia a estas probas é obrigatoria para poder optar á matrícula nas especialidades citadas.

Segunda Convocatoria para a Presentación de Traballos Artesáns dirixidos ao CAT "O Escaparate"

A Fundación Liste - Museo Etnográfico de Vigo, que conta coa colaboración da Concellería de Cultura e Festas, no seu desexo de contribuír ao desenvolvemento da artesanía e co obxectivo de apoiar e promocionar o traballo do colectivo artesán, brinda un espazo no C.A.T. (Centro de Artesanía Tradicional) para expor os traballos seleccionados a través desta convocatoria. Este proxecto, bautizado co nome de "O Escaparate", ofrece un espazo expositivo nas instalacións do C.A.T. (Subida ao Castelo, 10), de xeito que o traballo deste colectivo chegue a un maior número de público.

Para participar ábrese esta convocatoria na que serán seleccionados os traballos que reúnan as condicións necesarias para a súa exposición. Os artesáns interesados, terán que enviar, ata o 31 de maio, un dossier onde se recolla a súa traxectoria e onde se mostre o traballo que realizan. Unha vez seleccionados por un comité formado por técnicos, os traballos artesáns serán expostos durante o 3º trimestre deste ano nos espazos habilitados no C.A.T. para este cometido.

Convocatoria e solicitude para O Escaparate