Escola de verán. Monográfico de insolado e estampación con luz e tintes naturais.

 

Visita ao CIEC, Centro Internacional da Estampa Contemporánea

Coincidindo co curso de serigrafía que se está a desenvolver actualmente no CIEC fixemos unha visita para intercambiar impresións. Un agradable encontro repetiremos sen dúbida!

Monográfico de estampación e confección téxtil

 Xa rematamos o monográfico sobre Estampación e Confección téxtil de 30 horas, interdisciplinariedade entre os obradoiros de Serigrafía e Moda e confección.

O tema elexido como punto de partida para traballar foi a intervención urbana realizada polo obradoiro de Debuxo da escola para a exposición Espazo Público ( podes ver o catálogo da expo aquí). O alumnado debuxou bicicletas do natural e con ese motivo crearon un panelado para o aparcadoiro de bicis da rúa Pontevedra.

Con eses debuxos o alumnado do monográfico serigrafiou tecidos e logo confeccionaron algo con eles. Estas son as fotos do resultado, esperamos que vos gusten!:

Charla coa Deseñadora de estampados Natalia Moreno

Emma G.Pintos(Moda), Natalia Moreno e Alba Pardo (Serigrafía)

 Onte comezou o monográfico de Estampación e Confección téxtil. Tivemos a sorte de contar coa colaboración de Natalia Moreno que deu unha charla amena e moi didáctica cargada de experiencia e anécdotas sobre o seu oficio como deseñadora de estampados. Graciñas Natalia!