pOp

Estamos argallando algo para a festa de entroido de mañá enlazado  co que estamos a ver nas clases de historia, neste caso coincidiunos vendo o Pop Art, en concreto a obra de Lichtenstein así que... mans á obra.

         A arte Pop Xurdiu en Inglaterra a mediados dos anos 50 pero o auxe foi en EEUU a finais dos anos 50 e na década dos 60. Os productos de masa adquiren a mesma importancia que os exemplares únicos difuminándose a diferenza entre alta cultura e cultura popular polo que os contidos preferidos do Pop Art son os medios de comunicación e a publicidade así como a sociedade de consumo.

Centrándonos na obra de Lichtenstein o artista utilizaba grandes formatos nos que suprimía a expresión da pincelada con trazos nítidos e puntos bendei e aplicaba as cores primarias de forma plana.

http://www.lichtensteinfoundation.org/

Van Gogh's Bedroom in Arles (1888)

Lichtenstein's Bedroom at Arles (1992)

Aquí deixo varios enlaces interesantes da páxina especializada en arte ARTSY . Un sobre Van Gogh e outro sobre unha serigrafía de Lichenstein.

Lichtensteando o obradoiro :

 

Mañá, martes de entroido, faremos xuntanza todos os alumn@s de serigrafía ás 4 no obradoiro e as 6 na clase de pintura para xuntarnos cos outros compañeiros da escola.