luns, 2 de xullo de 2018

Escola de Verán EMAO Vigo 2018

CURSOS CONVOCADOS 9 ao 20 de xullo Escola Municipal de Artes e Oficios de Vigo [preinscrición ata o 3 de xullo]
 Información :  https://bibliotecadaemao.blogspot.com/2018/06/escola-de-veran-emao-vigo-2018.html

 
Aula de Serigrafía artística : “INSOLADO E ESTAMPACIÓN CON LUZ E TINTES NATURAIS”

 
Impartido por Alba Pardo, mestra da EMAO da especialidade de Serigrafía artística
Destinatarios: Alumnado que cursara na EMAO a especialidade de Serigrafía artística e que non estean matriculadas na EMAO no curso 2017-18
Datas: do 9 ao 20 de xullo, de 10 a 13 horas
Duración: 30 horas
Programa:
Obxectivo: Xogaremos coa luz natural para facer o proceso serigráfico do insolado de pantallas así como para facer a antiga técnica fotográfica da cianotipia, tamén aprenderemos a obter tintes naturais para aplicalos á estampación serigráfica.   

Contido
Presentación histórica da cianotipia
Técnica da cianotipia
O proceso serigráfico
Insolado serigráfico con luz natural
Plantas tintóreas e elaboración de tintes naturais
Impresión serigráfica con tintes naturais
Material a aportar polo alumnado:
Acetatos, materiais opacadores, papeis, cinta adhesiva, pinceis


Fin de curso 17/18. Entrega de diplomas.



xoves, 28 de xuño de 2018

E... que ninguén marche con Lareca!

Arte, cultura, oficios, comida, fame... o cociña da Escola de Artes e Oficios prendeu os fogóns dos obradoiros para encher de viandas a noso Espazo EMAO. Ao redor da mesa, alumnado e profesorado prepararon potas e tixolas, e cos ingredientes do seu oficio: interdisciplinariedade, cooperación, creatividade e excelencia técnica, obraron un bo menú. Un menú fabricado de excesos e faltas, de enchentas e baleiros, de propostas nutricias e da fame, esa ausencia.
Aquí poderedes degustar polbo de otomán, refugallos de arxila rescatados dun colector, glutamato monosódico recén serigrafiado, farturas de madeira tallada, comida-lixo a bolígrafo, rotring e acuarela, e contemplar a cuchipanda de Cotán, imaxinar bodegóns comestibles de gaitas e zanfonas, usar cubertos de prata, latón e cobre nuns aquelados pratos de coiro de poldro galego e a maxia de transformar Mc en Wc encaixando fíos de algodón e lá. 
Proxecto 2018 
Dentro da programación anual da Escola Municipal de Artes e Oficios de Vigo, prevese, ao remate de cada curso académico, a producción dunha exposición dos resultados materiais e simbólicos dun proxecto --proposto anualmente no claustro do profesorado- que partindo dunha idea xeradora única, interpretada libremente, dea lugar ao despregue do traballo, imaxinación e saber facer dos distintos talleres.
Sobre a idea xeradora contida na frase Que ninguén marche con Lareca agromaron neste curso os proxectos creativos, retos técnicos e obras concretas que agora amosamos. Trátase, novamente, da coidada exposición de productos creativos desenvolvidos coa participación do alumnado a partir dunha iniciativa individual ou colectiva, pero, en todo caso, sempre asumida polo grupo.

... E se acudides o día da inauguración da exposición, poderedes colaborar cos vosos productos --estes si ben comestibles- na Operación kilo, no posto que a tal efecto montará no vestíbulo de entrada do Espazo EMAO o Banco de Alimentos de Vigo.

Comisariado: Pepe Pereira e Alba Pardo, mestres de Artesanía en Coiro e de Serigrafía artística da EMAO
Especialidades participantes: Serigrafía artística, Debuxo artístico, Pintura, Artesanía en Coiro, Deseño e encaixe de palillos, Ourivaría, CAIM Gaita e Zanfona, Moda e confección, Cerámica artística, Talla e escultura en madeira.
Cartaz: Jacobo Fernández, mestre de Pintura da EMAO
Produción e montaxe: Alumnado e profesorado da Escola Municipal de Artes e Oficios de Vigo
Coordinación: Rafael Ojea, técnico do Concello de Vigo
Axudante de montaxe: Alberto Couñago
Colabora: Banco de alimentos de Vigo

xoves, 5 de abril de 2018

6 DE ABRIL DÍA DE PORTAS ABERTAS NA EMAO




Co motivo dos DÍAS EUROPEOS DA ARTESANÍA, na EMAO O DÍA VENRES 6 DE ABRIL argallamos unha serie de actividades e portas abertas aos obradoiros. Na nosa aula estaremos facendo demostración de serigrafía téxtil de 10.00 a 12.00 horas, estades todos convidados!!!:

10.00-12.00
CAIM Gaita: Demostración dos diferentes procesos de Construción da Gaita que estarán a realizar os alumnos.
CAIM Zanfona: Demostración dos diferentes procesos de Construción da Zanfona que están a realizar os alumnos.
Serigrafía Artística: Exposición de traballos realizados no Taller e demostración de Aplicación de Serigrafía Téxtil. 
12.00-14.00
Ourivería: Exposición de traballos realizados polos alumnos e demostración de aplicación de esmalte en húmido con esmaltes opacos e transparentes.
Artesanía en Coiro: Exposición de pezas de Alumnos e antigos alumnos, e demostración de nove técnicas decorativas. 
16.00-18.00
Deseño e Encaixe de palillos: Demostración de diferentes técnicas de encaixe que os alumnos de Avanzado están a aplicar nos seus proxectos. 
Escultura e Talla en Madeira: Demostración do proceso completo para a elaboración dunha plancha xilografica. -
Moda e Confección: Exposición de traballos realizados polos alumnos e demostración da realización dunha peza incluíndo: patronaje, confección e remate da peza.
Debuxo: Presentación e proxección de traballos realizados polos alumnos. 
18.00-20.00
Cerámica Artística: Exposición de traballos realizados polos alumnos e visita á aula e presentación dos contidos da especialidade. 
Pintura: Exposición de traballos realizados polos alumnos e visita á aula.


Visita ao CIEC, Centro Internacional da Estampa Contemporánea


Coincidindo co curso de serigrafía que se está a desenvolver actualmente no CIEC fixemos unha visita para intercambiar impresións. Un agradable encontro repetiremos sen dúbida!






venres, 12 de xaneiro de 2018

A túa pel




A túa pel
Proxecto de Alba Troiteiro
Exposición Proxectos 2017. Espazo EMAO.

Xogo co velar e o revelar, expansión do pano ao corpo. Falar da segunda pel mediante serigrafía corporal.

Elaboración dun pano artesanal realizado con técnicas de serigrafía artesanal e kalamkari. 
Para a foto performance contouse coa colaboración do fotógrafo Miguel Vidal, o grupo de danza contemporánea Plácido Domingo e a artista Avigráfica.




xoves, 28 de decembro de 2017

Keep on Rockin in the shirt world

 

Keep on Rockin,in the shirt world
Proxecto de Isa Alabama
9 camisas enmarcadas. Serigrafía téxtil
Exposición Proxectos 2017. Espazo EMAO

 Neste proxecto Isa aúna a súa paixón pola música e o cinema co deseño de estampados para serigrafía téxtil creando a marca: https://www.isala-silkscreen.com/
Cinema Independente como The Warriors, Blow Up ou Zachariah e bandas musicais de culto como A Velvet Underground, Motorhead ou Bowie, inspiran conceptos que se plasman en camisas dende o estilo Rodeo western Americano ata o Mod da subcultura británica. O  rockabilly, country ou punkrock son xéneros  influenciados por esta estética e este coctel de conceptos, xéneros, estilos e culturas que dan forma a isala-silkscreen.com