Visita ao CIEC, Centro Internacional da Estampa Contemporánea

Coincidindo co curso de serigrafía que se está a desenvolver actualmente no CIEC fixemos unha visita para intercambiar impresións. Un agradable encontro repetiremos sen dúbida!

Documental de Tomi Ungerer en Libros para Soñar

O pasado venres asistimos á proxección do documental de Tomi Ungerer en Libros Para Soñar Xuntámonos algúns alumnos de Debuxo, Serigrafía Artística e Escultura e Talla en Madeira e saímos encantados coñecendo un pouco máis da figura e da obra deste autor e ilustrador tan controvertido.     

http://www.tomiungerer.com/
    Reportaxe na RCTVG : http://www.crtvg.es/cultural/corte-a-corte/en-vigo-presentase-un-documental-sobre-o-ilustrador-tomi-ungerer#.VC5RsfMc1op.facebook

Fotos do facebook de Libros para soñar:

PROXECCIÓN DO DOCUMENTAL ‘A HISTORIA DE TOMI UNGERER’

O venres 3 , mañá, hai unha saída programada para acudir á invitación de CANAL + e dos amigos de LIBROS PARA SOÑAR (Triunfo nº 1, Vigo)  da proxección do documental “A historia de Tomi Ungerer”, escrito e dirixido por Brad Bernstein. CANAL+ Xtra emitiuno na súa programación e agora, con motivo do inicio da nova tempada de actividades de LIBROS PARA SOÑAR, preséntase nun acto dirixido a público adulto, especialmente profesionais vencellados á ilustración, ao deseño e á docencia artística.

O documental resume en 94 minutos as 40 horas de entrevista que Bernstein mantivo con Ungerer, que repasa a súa vida, as súas cinco décadas de traxectoria profesional e as súas múltiples facetas creativas, dende a literatura infantil e xuvenil ata os seus traballos máis subversivos de temática política, anti-bélica ou erótica, pasando polas súas incursións na publicidade ou na escultura. As súas palabras e ilustracións animadas combínanse con intervencións doutros debuxantes coetáneos, como Maurice Sendak ou Jules Feiffer.

 Tomi Ungerer (Estrasburgo, 1931), que xa foi galardoado co Premio Hans Christian Andersen en 1998 e co Premio Europeo de Cultura en 1999, vén de recibir en Francia a Orde Nacional do Mérito.

 

 Como o espazo é pequeno, e para axilizar e axudar á organización hai unha lista para apuntarse no taboleiro da entrada do obradoiro ou se non ides pasar polo obradoiro mandade mail confirmando asistencia á seguinte dirección: serigrafiaemao@gmail.com

Estades convidados todos os grupos de serigrafía, incluído os de primeiro que comezaron hoxe.

Quedamos mañá ás 18:10 na escola! 

Visita de BEN ASHTON

Gracias a mediación de Sabela e Kiko, alumnos de Serigrafía II, onte tivemos a sorte de que estivera connosco no obradoiro Ben Ashton . Ben é serígrafo de profesión, autodidacta e acostumado a facer grandes tiradas e a traballar por encargos . Ten o seu obradoiro de serigrafía en Glasgow e fai serigrafía artesanal en gran variedade de superficies. Tivo a amabilidade de amosarnos o seu traballo e respostar as nosas preguntas sobre cómo tratar cos clientes ou truquiños de cómo facer insoladora caseira de gran tamaño. A súa páxina web : http://www.ashtonscreenprint.com/

Grazas Ben e graciñas tamén a Iván que fixo de enlace e de excelente traductor.

Algúns dos seus traballos:

Gethin Wyn Jones
5 colour print on stainless steel
one of a set of 12 prints for an exhibition

at the exeter phoenix 2011

Finch & Fouracre

3 colour tartan print on board

as part of model kit

design by Finch & Fouracre

Horse Graphic

caribou poster

4 colour print on cyclus offset paper

594 x 420 mm

design by Horse

Horse Graphic

no means no poster

4 colour print on cyclus offset paper

594 x 420 mm

design by Horse

Various Assorted Flyers

Rob Churm

7 colour print and mixed media

by Rob Churm

Sophia Augusta
4 colour print on fabriano rosaspina
700 x 500 mm

from a book illustration by Sophia Augusta

Na biblioteca da EMAO

 

A principio de curso coñecimos a magnífica biblioteca da EMAO. Da man da nosa bibliotecaria preferida viaxamos pola historia da biblioteca e visitamos o fondo histórico, o fondo moderno e as publicacións seriadas. A biblioteca ten un completísimo e actualizado blog con recursos online e publicacións especializadas : http://bibliotecadaemao.blogspot.com.es/