Menuda Stampa

Traballos do alumnado da EMAO de Proxectos 2014

Autora : Iria Vázquez Costas

Título : Menuda Stampa

Técnica : Serigrafía sobre papel e téxtil

Medidas : variables

Serigrafías de motivos de animais extintos pola acción do home , sobre papel fabriano academia tamaño 30x30 cm e a aplicación de ditos motivos sobre tela.

Presentación do proxecto

Imaxes do proceso :

 Equus quagga quagga

"...e tal era o número de cuagas e ata tal punto chegaron estas carnizarías, que se deu orde aos cazadores de recuperar as balas, extraéndoas do corpo dos animais

mortos, ante o temor de que se esgotasen as municións" Edwars ,1758.

Formaban mandas na zona sueste da actual Sudáfrica. O 12 de agosto de 1883 morreu o último quagga que vivía en catividade no zoo de Ámsterdam, extinguíndose defnitivamente a subespecie. Deste xeito, nun espazo relativamente curto de tempo, a ignorancia e a cobiza humana rematou cunha raza animal en franca prosperidade e perfectamente adaptada ao seu biótopo.

 Thylacinus cynocephalus

Lobo de Tasmania ou tilacín vivía nos bosques de Australia e Nova Guinea. Os humans empezaron a ocupar o terreo con gando e animais domésticos, o lobo atacaba creándolle moitas perdidas. O goberno púxolle recompensa por cada exemplar morto: unha libra por un adulto, e 10 xilíns por cada cría.

Foi declarado extinguido en 1986 pero o último que morreu en1936 estaba en catividade nun zoolóxico de Tasmania.

 Panthera leo melanochaitus

Subespecie de león que vivía nas chairas herbáceas do Karoo, ao sueste de Sudáfrica. Os machos tiñan unha densa melena negra que se prolongaba polo ventre.

Os responsables do seu exterminio foron os ingleses que comezaron a cazalo indiscriminadamente por deporte e en represalia aos seus ataques ao gando, ata exterminalo a mediados da década de 1860. O último león da provincia del cabo foi abatido en 1858 extinguíndose definitivamente a subespecie.

 Anodorhynchus glaucus

Especie de ave sudamericana da familia dos loros (Psittacidae) probablemente extinta. Era residente do nordés de Arxentina, o sur de Paraguai, o noroeste do Uruguai e o sur de Brasil. Promoveu a súa extinción a sobredestrucción da palma yatay (palmeira), cuxos froitos eran o seu alimento insubstituíble.

A última vista por residentes da rexión foi en 1932.

 Eleutherodactylus jasperi

O coquí dourado que só vive (ou viviu) na Serra de Cayey, en Puerto Rico, nunha área semicircular de 6 millas de raio.

Actualmente non se coñece a súa poboación, cuxo nivel pode ser crítico. As áreas onde o coquí dourado foi descuberto, foron desforestar e desenvolvidas.

Aínda que esta especie non foi escoitada, nin observada durante os últimos anos, a pesar de ser buscada, se pode concluír que está extinta.